AKP ភ្នំពេញ ថ្ងៃទី ៤ខែកុម្ភៈ ឆ្នាំ២០២៥--

ក្រសួងបរិស្ថានបានបញ្ជាក់ឲ្យដឹងថាចាប់ពីព្រឹកថ្ងៃទី៤ខែកុម្ភៈរហូតដល់ពេលល្ងាចថ្ងៃដដែលគុណភាពខ្យល់នៅក្នុងប្រទេសកម្ពុជាមានភាពល្អណាស់។

យោងតាមសេចក្ដីជូនដំណឹងរបស់ក្រសួងបរិស្ថានអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី៤ ខែកុម្ភៈ ឆ្នាំ២០២៥ ចាប់ពីម៉ោង ៦ ព្រឹក ដល់ម៉ោង ៦ ល្ងាច​ ដែលមានកំហាប់ភាគល្អិតនិចលគិតជាមធ្យមស្មើនឹង ២៣.០៦ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។

ក្រសួងបានលើកឡើងថាពណ៌ខៀវៈ គុណភាពខ្យល់ល្អណាស់មានខេត្តកំពង់ឆ្នាំង  ខេត្តបាត់ដំបង ខេត្តកំពង់ចាម​  រាជធានីភ្នំពេញ​ ខេត្តកំពង់ស្ពឺ   ខេត្តព្រៃវែង​  ខេត្តកំពត ខេត្តមណ្ឌលគីរី ខេត្តស្វាយរៀង​ ខេត្តក្រចេះ ខេត្តរតនគិរី​ ខេត្តកែប ខេត្តកំពង់ធំ  ខេត្តស្ទឹងត្រែង ខេត្តព្រះសីហនុ ខេត្តតាកែវ ខេត្តឧត្តរមានជ័យ ខេត្តព្រះវិហារ​ និងខេត្តត្បូងឃ្មុំ  
ពណ៌បៃតងៈ គុណភាពខ្យល់ល្អមានខេត្តបន្ទាយមានជ័យ​ ខេត្តកណ្តាល  ខេត្តសៀមរាប និងខេត្តប៉ៃលិន​
ពណ៌លឿងៈ    ខេត្តពោធិ័សាត់ និងខេត្តកោះកុង៕

ដោយ៖ប៊ុនរិទ្ធ