AKP កំពង់ចាម ថ្ងៃទី១៩ ខែមករា ឆ្នាំ២០២៥--

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំមន្ត្រីជំនាញ និងអាជ្ញាធរមូលដ្ឋាន ចុះពិនិត្យមើលវឌ្ឍនភាពនៃការសាងសងផ្លូវបេតុងអាមេ១ខ្សែ ដែលមានប្រវែងជាង ២០០០ម៉ែត្រ ស្ថិតនៅភូមិទួលពោធ ឃុំព្រែកកក់ ស្រុកស្ទឹងត្រង់ ខេត្តកំពង់ចាម កាលពីព្រឹកថ្ងៃទី១៨ ខែមករា ឆ្នាំ២០២៥។

ក្នុងឱកាសចុះពិនិត្យដោយផ្ទាល់ ឯកឧត្តម អ៊ុន ចាន់ដា បានសំណូមពរដល់បងប្អូនប្រជាពលរដ្ឋមានលំនៅឋានសងខាងផ្លូវ ដែលរងផលប៉ះពាល់ក្នុងដំណើរការសាងសង់ ត្រូវមានការយោគយល់អធ្យាស្រ័យ ដែលបានផ្ដល់ដល់ផលវិបាកបងប្អូនខ្លះ ក្នុងអំឡុងពេលដំណើរការសាងសង់ តែបន្ទាប់ពីផ្លូវនេះសាងសង់រួច ផ្លូវនេះបានផ្តល់ផលប្រយោជន៍យ៉ាងខ្លាំងដល់បងប្អូនយើង ដូចជាជួយសម្រួលដល់ការធ្វើដំណើរ និងដឹកកសិផលមានភាពងាយស្រួល ឆាប់រហ័ស និងចំណេញពេលវេលាផងដែរ។

ឯកឧត្តមអភិបាលខេត្តក៏បានសំណូមពរដល់បងប្អូនប្រជាពលរដ្ឋថានៅពេលផ្លូវនេះសាងសង់រួច សូមចូលរួមថែរក្សាទាំងអស់គ្នាសូមបងប្អូនទាំងអស់គ្នាដើម្បីជាប្រយោជន៍របស់យើងប្រើប្រាស់បានយូរអង្វែងនឹងត្រូវបើកបរដោយមានការប្រុងប្រយ័ត្ន គោរពច្បាប់ចរាចរណ៍ យោគយល់អធ្យាស្រ័យឱ្យគ្នាទៅវិញទៅមក ដើម្បីបញ្ចៀសនូវគ្រោះថ្នាក់ផ្សេងៗដែលកើតមានឡើងនៅពេលកំពុងបើកបរ ពិសេសមិនត្រូវដឹកលើសទម្ងន់។

ទន្ទឹមនឹងនេះ ប្រជាពលរដ្ឋក្នុងភូមិទួលពោធមានការសប្បាយរីករាយ និងសូមថ្លែងអំណរគុណ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ក៏ដូចជារដ្ឋបាលខេត្តកំពង់ចាម ដែលបានជួយកសាងផ្លូវបេតុង១ខ្សែនេះជូនពួកគាត់។ កន្លងមកផ្លូវនេះជួបការលំបាកខ្លាំង ក្នុងការធ្វើដំណើរទៅវិញទៅមក និងរដឹកកសិផលទៅកាន់លំនៅស្ថាននិងកាន់ទីផ្សារ ពិសេស នារដូវវស្សាម្ដងៗ។ ហើយពេលនេះរដ្ឋបាលខេត្តកំពង់ចាម បានធ្វើការសាងសង់ផ្លូវបេតុងជូនពួកគាត់នៅពេលនេះ ពិតជាបានជួយសម្រួលដល់ការធ្វើដំណើរ និងដឹកកសិផលទៅកាន់ទីផ្សាធ្វើឱ្យជីវភាពរបស់នៅកាន់តែប្រសើរឡើង៕

ដោយ ឆាយ ម៉ុត