AKP ភ្នំពេញ ថ្ងៃទី១៨ ខែមករា ឆ្នាំ២០២៥ –ឧបទ្វីបកូរ៉េគឺជាស្ពានទៅកាន់ទ្វីបអឺរ៉ាស៊ី និងជាច្រកទៅកាន់មហាសមុទ្រប៉ាស៊ីហ្វិក។ វាគឺជាចំណុចក្តៅបំផុតមួយរបស់ពិភពលោក ហើយវាជាចំណាប់អារម្មណ៍របស់មហាអំណាចធំៗដែលមានលាយឡំគ្នានៅក្នុងតំបន់។ ចុះ​បើ​សង្គ្រាម​ផ្ទុះ​ឡើង​ក្នុង​តំបន់នេះវានឹងទៅជាយ៉ាងណា?

ជាសំណាងល្អ ការប្រយុទ្ធគ្នានេះមិនបានធ្វើឲ្យមានការបែកបាក់នៅទីនោះទេ ដោយសន្តិភាពត្រូវបានរក្សា។

ក្នុងការរំលឹកឡើងវិញ ចក្រពត្តិនិយមបានទម្លាក់ភពផែនដីចូលទៅក្នុងទីជ្រៅនៃសង្រ្គាម ខណៈពេលដែលពួកគេបានបំពានយ៉ាងខ្លាំងទៅលើសន្តិសុខនៃប្រទេស និងអធិបតេយ្យ ដោយគៀងគរកងទ័ព កងយោធាដ៏ធំ និងញុះញង់ដល់កងកម្លាំងពលទាហានរបស់ពួកគេឱ្យធ្វើសង្គ្រាមបែបប្រូកស៊ី។ ពួកគេ​ព្យាយាម​បញ្ចេញ​សង្គ្រាម​នៅ​ឧបទ្វីប​កូរ៉េ​ក្នុង​គោលបំណង​ដាក់​ឱ្យប្រទេសនេះ​ស្ថិតក្រោម​ការគ្រប់គ្រង​របស់​ពួកគេ។

ដូចដែលយើងបានដឹងស្រាប់ហើយថា កូរ៉េត្រូវបានបំផ្លិចបំផ្លាញដោយការលុកលុយប្រដាប់អាវុធរបស់សហរដ្ឋអាមេរិកក្នុងអំឡុងពេលពីឆ្នាំ 1950 ដល់ឆ្នាំ 1953 ដែលជាការប្រយុទ្ធគ្នាយ៉ាងខ្លាំងក្លាបំផុតចាប់តាំងពីសង្គ្រាមលោកលើកទីពីរ។ ចាប់តាំងពីពេលនោះមកប្រទេសនេះបានប្រឈមមុខនឹងការគំរាមកំហែងពីសង្គ្រាមឥតឈប់ឈរ និងការគំរាមកំហែងនុយក្លេអ៊ែរ នៅក្នុងការប្រយុទ្ធយ៉ាងស្រួចស្រាវជាមួយសហរដ្ឋអាមេរិក។ សហរដ្ឋអាមេរិកបានដាក់ពង្រាយអាវុធនុយក្លេអ៊ែរមួយចំនួនធំនៅសាធារណរដ្ឋកូរ៉េ ហើយបានគំរាមកំហែងកូរ៉េដោយបើកចំហ និងដោយផ្ទាល់ជាមួយនឹងនុយក្លេអ៊ែរ។ ខ្លួនបានធ្វើសមយុទ្ធសង្គ្រាមនុយក្លេអ៊ែរនៅមាត់ច្រកទ្វាររបស់កូរ៉េជារៀងរាល់ឆ្នាំ ដោយបានបញ្ចូលកងកម្លាំងដ៏ធំរួមទាំងអាវុធយុទ្ធសាស្ត្រនុយក្លេអ៊ែររបស់ខ្លួន។

កូរ៉េបានធ្វើអ្វីៗគ្រប់យ៉ាងតាមអំណាចរបស់ខ្លួន ដើម្បីទប់ស្កាត់ភាពតានតឹងនៅក្នុងតំបន់ ចេញពីការចង់បានដើម្បីធានាសន្តិភាព និងសន្តិសុខនៅលើឧបទ្វីបកូរ៉េ និងពិភពលោកទាំងមូល។ តាមពិតទៅ ប្រទេស​នេះ​បាន​ប្រឹងប្រែង​អស់ពី​សមត្ថភាព និង​បង្ហាញ​ការអត់ធ្មត់​ជា​អតិបរមា​ដែលមាន​ការកោតសរសើរ​ពី​សហគមន៍​អន្តរជាតិ​។

ទោះជាយ៉ាងនេះក្តី សន្តិភាពមិនមែនកើតចេញពីការព្រមព្រៀងរបស់ខ្លួនដោយគ្រាន់តែមនុស្សប្រាថ្នាចង់បាននោះទេ ហើយក៏មិនអាចរក្សាបានដោយគ្រាន់តែពួកគេសុំវាដែរ។

ដូច្នោះហើយ ប្រទេសនេះគ្មានជម្រើសអ្វីផ្សេងក្រៅពីចាត់វិធានការការពារខ្លួនឯង ដើម្បីត្រៀមលក្ខណៈពេញលេញប្រឆាំងនឹងការឈ្លានពានដែលអាចកើតមានពីសត្រូវដ៏គ្រោះថ្នាក់របស់ខ្លួន។

ប្រទេស​នេះ​បាន​កំណត់​គោលដៅ​ជា​មូលដ្ឋាន​ដើម្បី​លើក​កម្ពស់​កម្រិត​ជីវភាព​របស់​ប្រជាជន​ដោយ​ដឹកនាំ​ការ​ខិតខំ​ប្រឹងប្រែង​សំខាន់ៗ​ក្នុង​ការ​កសាង​សេដ្ឋកិច្ច​ក្រោម​បរិយាកាស​សន្តិភាព។ តាមធម្មជាតិ វាគឺជាជម្រើសដ៏ល្អបំផុតសម្រាប់ប្រទេសមានអាវុធនុយក្លេអ៊ែរ និងពង្រឹងកងកម្លាំងនុយក្លេអ៊ែររបស់ខ្លួនប្រកបដោយទាំងគុណភាព និងបរិមាណ ដើម្បីទប់ទល់នឹងការគំរាមកំហែងដោយនុយក្លេអ៊ែរ។

វាគឺជាការពិតដែលគេបានបង្កើតឡើងនូវឧស្សាហកម្មអាវុធរបស់កូរ៉េដែលមានការរីកចម្រើនគួរឱ្យកត់សម្គាល់ក្នុងរយៈពេល 10 ឆ្នាំចុងក្រោយនេះ។ កាលពីខែវិច្ឆិកាឆ្នាំ២០២៣ គេបានបាញ់បង្ហោះផ្កាយរណបចារកម្មដោយជោគជ័យ ហើយនៅខែបន្ទាប់ គេបានបាញ់បង្ហោះសមយុទ្ធ ICBM Hwasongpho-18។ ប្រព័ន្ធផ្សព្វផ្សាយក្នុងស្រុកបានអះអាងថា កងកម្លាំងប្រដាប់អាវុធរបស់កូរ៉េឥឡូវនេះបានចាប់ដៃទាំងពីរ គឺ“ភ្នែក” ដែលអាចមើលបានចម្ងាយឆ្ងាយ និង “កណ្តាប់ដៃ” ដ៏ខ្លាំងដែលអាចឲ្យគេបាញ់ឈានដល់ចម្ងាយឆ្ងាយ។

ប្រភព៖ ស្ថានទូតសាធារណរដ្ឋប្រជាមានិតប្រជាធិបតេយ្យកូរ៉េ ប្រចាំព្រះរាជាណាចក្រកម្ពុជា