AKP ភ្នំពេញ ថ្ងៃទី១៣ ខែមករា ឆ្នាំ២០២៥ -- រដ្ឋមន្ត្រីការបរទេសតួកគីលោក ហាកាន់ ហ្វីដាន់ (Hakan Fidan) បាននិយាយថា ប្រទេសតួកគី និងប្រទេសចិន មានទំនាក់ទំនងល្អនៅឆ្នាំ២០២៤ដែលមានសក្តានុពលសម្រាប់កិច្ចសហប្រតិបត្តិការបន្ថែមទៀតនៅឆ្នាំនេះ។

ថ្លែងទៅកាន់អ្នកតំណាងប្រព័ន្ធផ្សព្វផ្សាយក្នុងស្រុក និងអន្តរជាតិ ក្នុងសន្និសីទសារព័ត៌មាននៅទីក្រុងអ៊ីស្តង់ប៊ុល លោក ហ្វីដាន់ បានសង្កត់ធ្ងន់ថាប្រទេសទាំងពីរបានពន្លឿនកិច្ចសហប្រតិបត្តិការទ្វេភាគីយ៉ាងសំខាន់តាមរយៈដំណើរទស្សនកិច្ច និងកិច្ចប្រជុំកម្រិតកំពូលជាច្រើនកាលពីឆ្នាំមុនដោយជំរុញទំនាក់ទំនងឱ្យកាន់តែរឹងមាំ និងបើកផ្លូវថ្មីទៅវិញទៅមក។

លោក ហ្វីដាន បានគូសបញ្ជាក់អំពីដំណើរទេសចរណ៍របស់លោកទៅកាន់តំបន់ស្វយ័ត   ទីក្រុងប៉េកាំង និងខេត្តស៊ីនជាំង និងអ៊ុយហ្គ័រ របស់ប្រទេសចិន ក្នុងអំឡុងពេលនោះលោកបាននិយាយថា «បញ្ហាសំខាន់ៗជាច្រើនរវាងប្រទេសទាំងពីរ ជាពិសេសបញ្ហាទាក់ទងនឹងពាណិជ្ជកម្ម» ត្រូវបានដោះស្រាយ។

លោករដ្ឋមន្ត្រីបានគូសបញ្ជាក់បន្ថែមថា យន្តការគណៈកម្មាធិការសហប្រតិបត្តិការអន្តរ     រដ្ឋាភិបាលចិន-តួកគី ដែលបានបើកកិច្ចប្រជុំលើកទីពីររបស់ខ្លួននៅទីក្រុងប៉េកាំង កាលពីខែវិច្ឆិកាកន្លងទៅ បានកត់សម្គាល់ពីការអភិវឌ្ឍយ៉ាងសំខាន់ក្នុងភាពជាដៃគូទ្វេភាគី។

លើសពីនេះទៀត លោក ហ្វីដាន បានកត់សម្គាល់ពីការរួមបញ្ចូលគ្នាដ៏មានសក្តានុពលរវាងគម្រោងច្រករបៀងកណ្តាលរបស់ប្រទេសតួកគី និងគំនិតផ្តួចផ្តើមខ្សែក្រវាត់ និងផ្លូវរបស់ប្រទេសចិន ដែលអាចដើរតួជាចំណុចស្នូលដ៏សំខាន់សម្រាប់ការពង្រឹងកិច្ចសហប្រតិបត្តិការទ្វេភាគី៕

ដោយ៖ មូល មិនា (ប្រភព៖ ភីបផលដេលី)