AKP ភ្នំពេញ ថ្ងៃទី០៨ ខែមករា ឆ្នាំ២០២៥ -- អាជ្ញាធរបាននិយាយថា ប្រទេសកូរ៉េខាងត្បូងបានបញ្ជាក់ពីករណីទី២០ នៃជំងឺគ្រុនផ្តាសាយបក្សីដែលបង្កជំងឺខ្លាំង (AI) សម្រាប់រដូវរងានេះនៅឯកសិដ្ឋានមួយក្នុងខេត្តយ៉ុងជី។

យោងតាមរដ្ឋាភិបាលទីក្រុងបានឱ្យដឹងថា ករណីចុងក្រោយនេះត្រូវបានគេរាយការណ៍ពីកសិដ្ឋានចិញ្ចឹមបសុបក្សីមួយនៅតំបន់យ៉ូជូ មានចម្ងាយប្រហែល ៦៥គីឡូម៉ែត្រភាគខាងកើតទីក្រុងសេអ៊ូល។ នេះ​ជា​ករណីនៃជំងឺគ្រុនផ្តាសាយបក្សីដែល​បង្ក​ជំងឺ​ខ្លាំង​ទី២០ ត្រូវ​បាន​រាយការណ៍​នៅ​ទូទាំង​ប្រទេស​ក្នុង​រដូវ​រងា​នេះ។

អាជ្ញាធរបានគ្រប់គ្រងតំបន់នេះ និងបានសម្លាប់សត្វមាន់ចំនួន១០៤.០០០ក្បាលដែលចិញ្ចឹមនៅកសិដ្ឋាន ក៏ដូចជាកូនមាន់ចំនួន៥២.០០០ក្បាលទៀតនៅឯកសិដ្ឋានចិញ្ចឹមមាន់ក្បែរនោះដែលជាផ្នែកនៃវិធានការបង្ការ៕

ដោយ៖ មូល មិនា (ប្រភព៖ យ៉ុនហាប់)