AKP ភ្នំពេញ ថ្ងៃទី១១ ខែឧសភា ឆ្នាំ២០២៣ -- បន្ទាប់ពីប្រកួតយ៉ាងស្វាញរវាងក្រុមបាល់ទះជម្រើសជាតិឥណ្ឌូណេស៊ី និងក្រុមបាល់ទះ​ជម្រើសជាតិ​មីយ៉ាន់ម៉ា​រួចមក  ជាលទ្ធផលបានធ្វើឱ្យក្រុមជម្រើសជាតិឥណ្ឌូណេស៊ី យក​ឈ្នះក្រុមជម្រើសជាតិមីយ៉ាន់ម៉ា ដោយពិន្ទុ ៣សិតទល់០។  ក្រុមជម្រើសជាតិឥណ្ឌូណេស៊ី យកឈ្នះក្រុមជម្រើសជាតិមីយ៉ាន់ម៉ា ក្នុងសិតទី១ ២៥ទល់ ៩  សិតទី២ ២៥ទល់៩ និង​សិត​ទី៣ ២៥ទល់១៥។  ការប្រកួតវាងក្រុមទាំងពីរនេះ បានធ្វើឡើង នាថ្ងៃទី១១ ខែឧសភា ឆ្នាំ​២០២៣នៅពហុកីឡដ្ឋានជាតិអូឡាំពិក។

បើទោះបីចាញ់ ក្រុមជម្រើសជាតិឥណ្ឌូណេស៊ី យ៉ាងណាក្តី ក៏ក្រុមបាល់ទះ​ជម្រើស​ជាតិមីយ៉ាន់ម៉ា ធ្វើបានល្អ ក្នុងការប្រកួតកីឡាស៊ីហ្គេមលើកទី៣២ ដែលកម្ពុជាធ្វើជា​ម្ចាស់​ផ្ទះ។

សូមជម្រាបថា ការជួបគ្នារវាងក្រុមជម្រើសជាតិទាំងពីរនេះ​បន្ទាប់ក្រុមជម្រើសជាតិ​ឥណ្ឌូណេស៊ី យកឈ្នះក្រុមបាល់ទះជម្រើសជាតិម៉ាឡេស៊ី កាលពីថ្ងៃទី១០ ខែឧសភា ឆ្នាំ២០២៣ ក្នុងពិន្ទុ៣ទល់០។​ ចំណែកក្រុមជម្រើសជាតិមីយ៉ាន់ម៉ា បានចាញ់ក្រុមជម្រើស​ជាតិថៃ ក្នុងពិន្ទុ ៣សិតជាប់ៗគ្នាតែម្តង។ ការយកឈ្នះរបស់ក្រុមជម្រើសជាតិឥណ្ឌូណេស៊ី នេះ នឹងត្រូវបន្ដឡើង៤វគ្គចុងក្រោយ៕

ដោយ៖ ប៊ុនរិទ្ធ