AKP ភ្នំពេញ ថ្ងៃទី២៩ ខែវិច្ឆិកា ឆ្នាំ២០១៨ -- ទីប្រឹក្សាវិមានក្រឹមឡាំងបានជូនជាដំណឹងថា ប្រធានាធិបតីរុស្ស៊ីលោក វ្លាឌីមៀរ ពូទីន​ និងសមភាគីបារាំងរបស់លោក លោក អេម៉ានូអ៊ែល ម៉ាក្រុង​ នឹងពិភាក្សាគ្នាពីស្ថានការណ៍​នៅក្នុងប្រទេសអ៊ុយក្រែន និង​នៅមជ្ឈិមបូព៌ា ជាពិសេសការចេញរបស់អាម៉េរិក ពីជួរអន្តរការី​សន្ធិសញ្ញាកងកម្លាំងនុយក្លេអ៊ែរ(INF Treaty)នៅខាងក្រៅកិច្ចប្រជុំកំពូល G-20 ក្នុងប្រទេស​អាហ្សង់ទីន​។

លោកបាននិយាយថា យើងសន្មត់ថា ក្នុងអំឡុងពេលកិច្ចពិភាក្សាពីរបៀបវារៈអន្តរជាតិ លើគ្រប់បញ្ហាទាំងអស់ខាងលើនេះ ពួកគេនឹងពិភាក្សាគ្នាពីវិបត្តិនៅក្នុងប្រទេសអ៊ុយក្រែន និង​ការគ្រប់គ្រងពលរដ្ឋ ស៊ីរី ជាពិសេសស្ថានការណ៍នៅក្នុងប្រទេសលីប៊ី។ មេដឹកនាំទាំងពីរ បាន​គ្រោងនឹងពិភាក្សាគ្នាផងដែរ ពីសកម្មភាពសម្របសម្រួលនានាលើការថែរក្សា​ផែនការ​សកម្មភាពឱ្យកាន់តែប្រសើរឡើងរួមគ្នា ចំពោះកម្មវិធីនុយក្លេអ៊ែរអ៊ីរ៉ង់ ជាពិសេសបញ្ហា​សន្តិសុខ​នៅអឺរ៉ុប ដោយរួមទាំងបញ្ហាដែលជាប់ទាក់ទងនឹង​ការចេញរបស់ទីក្រុងវ៉ាស៊ីងតោន​ពី ជួរអន្តរការី សន្ធិសញ្ញាកងកម្លាំងនុយក្លេអ៊ែរនោះ។

ដោយថ្លែងនៅឯកិច្ចប្រជុំទ្វេភាគីមួយផ្សេងទៀត រវាងលោក ពូទីន និងអធិកាបតី​អាល្លឺម៉ង់លោកស្រី អេនចេឡា ម៉ាហ្គែល លោក Ushakov បានពន្យល់ថា មេដឹកនាំរុស្ស៊ី និងអាល្លឺម៉ង់ នឹងពិភាក្សាគ្នាពីស្ថានការណ៍នៅក្នុងប្រទេសស៊ីរី និងអ៊ុយក្រែនជាពិសេស។​

អ្នកតំណាងវិមានក្រឹមឡាំងរូបនេះ​បានឱ្យដឹងទៀតថា ក្នុងអំឡុងពេលកិច្ចប្រជុំនៅក្នុងប្រទេស  អាហ្សង់ទីន បញ្ហាបច្ចុប្បន្នភាពនៃរបៀបវារៈសាកល និងក្នុងតំបន់​នឹងត្រូវបានគេលើកយកមកពិភាក្សា ដោយរួមបញ្ចូលទាំង​ការរំពឹងទុក​នៃបទបញ្ញត្តិប្រកបដោយសន្តិភាព នៅក្នុងប្រទេសស៊ីរី និងកិច្ចសហប្រតិបត្តិការអន្តរជាតិ ដែលមានបំណងក្នុងការសដោះស្រាយទាំងផ្លូវនយោបាយ​និងការទូត​សម្រាប់ជម្លោះផ្ទៃក្នុងនៅប្រទេសអ៊ុយក្រែន៕

( ប្រភព TASS: បកប្រែដោយលោក មាស សំអុល )