AKP បន្ទាយមានជ័យ ខែមិថុនា ឆ្នាំ២០២១​ – ប្រជាពលរដ្ឋ១០០គ្រួសារដែលជួបបញ្ហាខ្វះខាតនៅបណ្តាមូលដ្ឋានមួយចំនួនក្នុងក្រុងសិរីសោភ័ណបានទទួលអំណោយរបស់អាជ្ញាធរខេត្តបន្ទាយមានជ័យសម្រាប់ជួយសម្រួលបានមួយរយៈដ

ល់ជីវភាពរស់នៅរបស់ពួកគាត់ដែលកំពុងតែជួបការលំបាកដោយសារតែការរាតត្បាតជំងឺកូវីដ១៩នៅក្នុងសហគមន៍នេះ។

អភិបាលខេត្តបន្ទាយមានជ័យ ឯកឧត្តម អ៊ុ រាត្រី រួមជាមួយក្រុមការងារបានចុះទៅផ្តល់អំណោយស្បៀងអាហារមានអង្ករ,មី,ត្រីខ,ទឹកស៊ីអ៊ីវជាដើមនេះជូនប្រជាពលរដ្ឋជួបការលំបាក ១០០ គ្រួសារ មកពី សង្កាត់ភ្នៀត៣០គ្រួសារ និងសង្កាត់កោះពងសត្វ ៧០គ្រួសារ កាលពីព្រឹកថ្ងៃទី១២ ខែមិថុនា ឆ្នាំ២០២១នេះ។

នៅក្នុងឱកាសនោះ ឯកឧត្តម អ៊ុ រាត្រី មានប្រសាសន៍ថា ទោះបីអំណោយដែលបងប្អូន ទទួលបានមានតិចតួចតែអ្វីដែលសំខាន់នោះគឺបានបង្ហាញពីការយកចិត្តទុកដាក់គិតគូររបស់  ថ្នាក់ដឹកនាំរាជរដ្ឋាភិបាលក៏ដូចថ្នាក់ដឹកនាំខេត្តដែលមានការចូលរួមឧបត្ថម្ភគាំទ្រពីសប្បុរសជនចំពោះប្រជាពលរដ្ឋនៅគ្រប់ទីកន្លែងគ្រប់ពេលវេលាជាពិសេសនោះនៅក្នុងស្ថានភាពដែលប្រទេសជាតិកំពុងជួបវិបត្តិជំងឺកូវីដ-១៩រាតត្បាតក្នុងសហគមន៍ ដែលយើងកំពុងរួមគ្នាប្រយុទ្ធទប់ស្កាត់ កុំឱ្យរាលដាលកាន់តែច្រើនទៀតនោះ។

ឯកឧត្តម អ៊ុ រាត្រី ក៏បានណែនាំប្រជាពលរដ្ឋឱ្យបន្តរួមគ្នាក្នុងការប្រយុទ្ធទប់ស្កាត់ការរីករាលដាលជំងឺកូវីដ-១៩ដោយត្រូវអនុវត្តឱ្យបានខ្ជាប់ខ្ជួននូវវិធានការរាជរដ្ឋាភិបាល ក្រសួងសុខាភិបាលគឺ៣ការពារ៣កុំដើម្បីជៀសផុតពីជំងឺ ដ៏កាចសាហាវនេះ៕

ដោយ ៖ ឈុន សារ៉ាត