AKP កណ្ដាល ថ្ងៃទី២៦ ខែធ្នូ ឆ្នាំ២០១៨ -សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែ​​លអមដំណើរដោយមន្ត្រីជាន់ខ្ពស់ជាច្រើនរូបទៀត បានបន្តបេសកកម្មលើកទី៦១ ក្នុងការ​ចុះ​​ជួ​បសំណេះសំណាលជាមួយបងប្អូនកម្មករនិយោជិត ១៥.៦០៦នាក់មកពីខេត្តកណ្ដាល   និ​ង​ខេត្តកំពង់ស្ពឺ ដែលពិធីនេះត្រូវបានប្រារព្ធធ្វើឡើង នាព្រឹកថ្ងៃពុធ ៤រោច ខែមិគសិរ ឆ្នាំច សំ​រឹ​​ទ្ធិស័ក ព.ស២៥៦២ ត្រូវនឹងថ្ងៃទី២៦ ខែធ្នូ ឆ្នាំ២០១៨នេះ នៅភូមិស្រះពោធិ៍ ឃុំផ្សារដែក ស្រុក​ព​ញា​ឮ ខេត្តកណ្តាល។

ឯកឧត្ដម អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈបានឱ្យដឹងថា កម្មករ កម្មការិនី ដែលជួបសំណេះសំណាលជាមួយសម្ដេចតេជោនាយករដ្ឋមន្ត្រីនាថ្ងៃនេះ មក​ពី​រោង​ចក្រ សហគ្រាសសរុបចំនួន ២២ ដែលក្នុងនោះមានរោងចក្រ សហគ្រាសចំនួន ១៥ មក​ពី​ខេត្តកណ្តាល មានកម្មករ និយោជិតប្រមាណ ១០.៦៣២នាក់ និង រោងចក្រសហគ្រាស​ចំ​​នួ​ន ៧ មកពីខេត្តកំពង់ស្ពឺ មានកម្មករ និយោជិតប្រមាណ ៤.៩៧៤នាក់។ រោងចក្រ សហ​គ្រា​សទាំង២២នេះ វិនិយោគដោយអ្នកវិនិយោគមកពីប្រទេសចិនចំនួន១៤ កូរ៉េចំនួន១ និងខ្មែរ​ចំនួ​ន ៧។ រោងចក្រ សហគ្រាសទាំង២២នេះ មានរោងចក្រកាត់ដេរសម្លៀកបំពាក់ចំនួន៧ ផ​លិ​ត​ស្បែកជើងចំនួន២ ផលិតកាបូបចំនួន៤ ផលិតកេសកាតុងចំនួន២ ផលិតផ្លែសន្ទូចចំនួន១ ផលិតអំពូលភ្លើងចំនួន១ ផលិតនំចំនួន១ ផលិតដបទឹកសុទ្ធចំនួន១ និងរោងចក្រកិនស្រូវ​ចំនួ​ន​​ ៣។

ឯកឧត្ដមរដ្ឋមន្ត្រីបានឱ្យដឹងទៀតថា ផលិតផលដែលផលិតបាននៅរោងចក្រ សហ គ្រាស​ទាំ​ង​នេះត្រូវបាននាំចេញទៅកាន់ទីផ្សារអន្តរជាតិ និងផ្គត់ផ្គង់ទីផ្សារក្នុងប្រទេស។ ឯកឧត្ដម ក៏​បាន​ឱ្យដឹងផងដែរថា បច្ចុប្បន្នខេត្តកណ្តាលមានរោងចក្រ សហគ្រាស គ្រឹះស្ថាន ចំនួន ៤៦៤ មា​ន​កម្មករ និយោជិតសរុប ១៥៥.១៣៨នាក់ ដែលមានប្រាក់ឈ្នួលសរុប ៣៧២ លាន​ដុល្លារ​អា​​ម៉េរិក។ ក្នុងនោះរោងចក្រកាត់ដេរសម្លៀកបំពាក់ និងផលិតស្បែកជើងមាន ចំនួន ១៧០ មា​ន​​កម្មករ និយោជិតចំនួន ១៣៧.៦៦៤នាក់ ដែលមានប្រាក់ឈ្នួលសរុបជាង ៣៣០លាន​ដុល្លារ​អា​ម៉េរិក ក្នុងមួយឆ្នាំ។ សមិទ្ធផលទាំង​នេះ គឺជាជោគជ័យនៃគោលនយោ បាយទាក់​ទាញវិ​និ​យោ​គ ការពង្រាយរោងចក្រទៅតាមបណ្តាខេត្ត គោលនយោបាយជាតិស្តីពី មុខរបរ និងការ​ងា​​រ គោលនយោបាយអភិវឌ្ឍន៍វិស័យឧស្សាហកម្មកម្ពុជា គោលនយោបាយ ស្តីពីការអប់រំបណ្តុះ​ប​ណ្តាលបច្ចេកទេស និងវិជ្ជាជីវៈ និងក្របខ័ណ្ឌគោលនយោបាយជាតិគាំ ពារសង្គម​របស់រាជ​រដ្ឋា​​ភិបាល។

គួរបញ្ជាក់ដែរថា ចាប់តាំងពីថ្ងៃទី២០ ខែសីហា ឆ្នាំ២០១៧ រហូតមកដល់ថ្ងៃទី២៦ ខែ​ធ្នូ​ ឆ្នាំ២០១៨នេះ សម្តេចតេជោនាយករដ្ឋមន្ត្រី បានអញ្ជើញជួបសំណេះ​សំណាលជាមួយកម្ម​ករ​​និយោជិតសរុបចំនួន៦១លើក ដោយមានកម្មករ កម្មការិនីចូលរួមសរុបប្រមាណ ៨៧៥.១​៧​​​៣​នាក់។ តាមរយៈជំនួបជាបន្តបន្ទាប់នេះ សម្តេចតេជោ ហ៊ុន សែន បានដាក់ចេញនូវ​គោល​នយោ​បាយដោយផ្ដល់ផលប្រយោជន៍ជាច្រើនសម្រាប់កម្មករ កម្មការិនី ហើយបញ្ហាមួយចំនួន​ដែ​ល​​ប្រឈមសម្រាប់ជីវភាពរស់នៅរបស់កម្មករ កម្មការិនី ក៏ត្រូវបានដោះស្រាយជាបន្ត​បន្ទាប់​ ជា​ពិសេសបានធ្វើឱ្យដំណើរការនៅតាមរោងចក្រ សហគ្រាសនីមួយៗ មានដំណើរការល្អ     ប​ញ្ចៀ​​សបាននូវបាតុភាពអសកម្មនានាជាច្រើនផងដែរ៕

ដោយជឹម ណារី